الــ RGB مش للطباعة خالص ( الفرق بين الـ CMYK و الـ RGB )

الــ RGB مش للطباعة خالص ( الفرق بين الـ CMYK و الـ RGB )

والله العظيم الـ RGB مش للطباعة خاااالص
أقسم بالله زى ما بقولك كده ..

ناس كتييير جدا و انا أكيد كنت فى يوم من الأيام منهم
مش واخدين بالهم من موضوع الطباعة بنظام الـRGB
و كمان مكنتش أعرف عدد الألوان فى الـ RGB و لا فى الـ CMYK .

ما علينا بقي من كل الكلام ده المشكله ان فى ناس عارفه النظامين ( RGB - CMYK )
و يقولك عادى لما تطبع RGB و فى ناس تقولك
  يا أخى ابعته المطبعه بس وهيبقى مظبوط و زى الفل !!!
مش هدايقك علشان احنا ناس محترمين :D

نظام الـ RGB لأى تصميم هيتعرض على شاشة
 سواء تصميم لموبايل أبليكيشن أو تصميم ويب
 ( يعنى تصميم مش هيتطبع و لا هيشوف مكنة الطباعة )

نظام الـ CMYK لأى تصميم هيتطبع سواء شغل مطبوعات ورقية
أو طباعة الخامات المستخدمة فى الدعاية و الإعلان
( بانر - فيلكس - فينيل - ........ ) لأن النظام ده اللى مكن الطباعة  بيشتغل بيه .

الفرق بين الـ RGB و الـ CMYK فى عدد الألوان ؟

الـ RGB موجود فيه 16 مليون لون ( 16000000 )
الـ CMYK موجود فيه 4 مليون لون ( 4000000 )
يعنى الفرق بين النظامين 12 مليون لون

  فتخيل بقي حضرتك لما تطبع تصميم المفروض يتطبع بـ 12 مليون لون
بنظام فيه بس 4 مليون لون !!!

تخيل بقي شكل ألوانك هيبقي عامل ازاى :((

الخلاصة : لو تصميم هيتطبع يبقى من غير تفكير CMYK لو تصميم هيتعرض على شاشة يبقى RGB

#شير_فى_الخير و فيد غيرك :))